Safn RÚV inniheldur mikið magn af hljóð- og myndupptökum með mikið gildi fyrir rannsóknir. Safnið er aðeins að hluta til í stafrænu formi, en Innviðasjóður styrkti fyrsta tilraunastig í stafvæðingu með því að kaupa þjónustuna frá fyrirtækinu Memnon í Belgíu.
Með styrk Innviðasjóðs var hægt að senda 12.000 spólur með hljóðupptökum frá 1990 til 2005 og láta yfirfæra á stafrænt form. Spólurnar komu aftur í september 2024. RÚV heldur áfram yfirfærslu gagna.
Á meðan unnið er að lausn aðgengismála sem snerta höfundarétt og persónuvernd er einungis hægt að nálgast gögnin á safni RÚV.
MSHL vinnur að bættu aðgengi að gögnum með virðingu fyrir höfundarétti og persónuvernd.
Safn RÚV er notað til fjölmargra rannsókna, innan hugvísinda og annarra fræðasviða.
- RÚV er aðili að Almannarómi og eru upptökur RÚV notaðar við þróun máltæknilausna.
Verkefnið er styrkt af Innviðasjóði.
