Haustið 2024 var keypt PhaseOne iXH 150MP myndavél með fylgihlutum fyrir ljósmyndun tvívíðra skjala. Myndavélin er notuð við myndun ljósmynda á pappír, filmu og gleri og á öðrum tvívíðum verkum.
Myndavélin á að auka hraða og gæði í myndatökum stofnannann og styðja við stafvæðingu safnkosts.
Fimm ljósmyndarar lærðu á vélina auk þriggja annarra starfsmanna stofnananna. Vélin er nú staðsett í Þjóðminjasafni en hugmyndin er að hún færist á milli ljósmyndasafna Borgarsögusafns og Þjóðminjasafns.
Mögulegt er að kaupa viðbótarlinsu og ljós með myndavélinni fyrir fjölrófsmyndatöku, sem gagnast rannsóknum á listaverkum og handritum.
Verkefnið var styrkt af Innviðasjóði.
